Астанада суук күч алды

Астанада суук күчүнө кирди. Бүгүн, 24-январда күндүз -27 градус суук. Айрым күндөрү -40 градуска жетип жатканы тууралуу маалымат чыгууда.

Nur.kz сайты сууктан жаныбарлар, коен, ит, мышыктар турган жеринен тоңуп калган видеолорду жайгаштырды.
Казакстандын борборундагы сууктан тоңуп калбасын деп турак жайы жокторду социалдык жайларга жеткиришүүдө. Адамдардын бир тобу үшүк алгандыгына байланыштуу дарылоо жайларына кайрылып жатышат.
Казакстандын премьер-министри Бакытжан Сагынтаев бюджеттик мекеме-ишканалардын жетекчилерине кызматкерлерди жумуштан эрте бошотууга чакырды.
Мындай суук Кыргызстанга да ушул жума аягында, 26-январдан баштап келээри болжолдонууда.
Ал эми бул күндөрү Красноярск крайында, Эвенкияда сууктун күчү -55 градуска чейин жетсе, Хакасия, Томскиде -47 градуска жетүүдө.