«Балдар – биздин келечегибиз!»

Т.Сатылганов атындагы Кыргыз улуттук филармониясында Бишкек шаардык Ички иштер башкармалыгы жана шаардык муниципалитет тарабынан уюштурулган “Балдар — биздин келечегибиз! Экстремизмге, терроризмге жана кылмыштуулукка жол жок” аталышта шаардык форум өткөрүлдү. Бул тууралуу Бишкек шаардык мэриянын басма-сөз кызматы билдирди.

Аталган форумдун жүрүшүндө диний экстремизмге каршы күрөш, жашы жете элек өспүрүмдөр тарабынан жана аларга карата жасалган кылмыштарды, окуучулардын арасында опузалап талап кылууну алдын алуу маселелери каралды.