Ажылыкка барчуларды каттоо башталды

Бүгүн, 23-январда, Сауд Аравиясына ажылыкка бара турган  кыргызстандыктарды каттоо башталды, ал 23-февралга чейин созулат.

Ажылыкка баруу баасы бир кишиге 2 миң доллар 760 сом. Бул жылы Сауд Аравиясына ажылыкка Кыргызстанга 5, 4 миң орун, өткөн жылы Кыргызстанга 4 миң 760 орун бөлүнгөн.

Кыргызстандын Дин иштери боюнча башкармалыгынан билдиргендей, өлкөнүн бардык аймагында ажылыкка каттоо башталды.  Бара тургандардын жашы  18ден жогору болушу керек.  Каттоо сөзсүз биометрикалык паспорт боюнча жүргүзүлөт; Негизги  чыгымдан тышкары банкка кошумча 500 доллар төлөш керек; ошондой эле 1000 сом; ажылыкка бара турган адам жашаган жеринде каттоодо турушу керек; чет өлкөлүк паспорту болушу керек. Аялдар үчүн кошумча жанында эркек тууганы болушу шарт; нике тууралуу күбөлүгү; ден соолугу тууралуу справка; 3х 4 өлчөмүндөгү 4 сүрөтү; келишим кагазына кол коюшу керек; кийиминин өлчөмү. Аймактык каттоо пункттарында бул жана башка шарттарды ажылыкка бара тургандарга толугу менен айтып беришет.