Британияда жалгыздык боюнча министрлик түзүлдү

Британия бийлиги жалгыз калуу өмүргө коркунуч келтире турганын эске алып, бул боюнча министрлик түздү. Ал милдет Трейси Краучка жүктөлдү.

2016-жылы улутчулдар тарабынан өлтүрүлгөн лейбористтер партиясынын депутаты Джо Кокс ушул көйгөйдү көтөрүп, улгайганда жалгыз калгандарга жардам берип келгендигин өлкөнүн премьер-министри Тереза Мэй баса белгиледи. Жалгыздык боюнча министрликти түзүү менен Британия өкмөтү Кокстун ишин улантмай болду.

2017-жылы жүргүзүлгөн изилдөөгө ылайык, жалгыз калуу адамдын өмүрүнө күнүнө 15 даана тамеки тарткандай эле коркунуч келтирет.