Өмүрбек Бабанов депутаттык мандатын тапшырып, саясаттан биротоло кетет

“Республика” партиясынын лидери, Жогорку Кеңештин депутаты Өмүрбек Бабанов депутаттык мандатын өз ыктыяры менен тапшырууга 15-январда БШКга арыз жазганын анын кеңешчиси Мирсулжан Намазалиев тастыктады.  

Президенттик шайлоого активдүү катышкан Өмүрбек Бабановго конституциялык түзүлүштү күч менен алмаштырууга чакырып, улуттар арасында кастыкты козутуу боюнча беренелер менен кылмыш иши козголгону маалым.

15-январда Өмүрбек Бабанов фейсбук барагынан  саясаттан кетип жатканын жана такталган гана маалыматтарды таратууга чакырган.