Эмки жумада Сапар Исаков баштаган делегация Давоско барат 

Швейцариянын Давос шаарында 23-26-январда өтө турган эл аралык экономикалык форумга премьер-министр Сапар Исаков баштаган кыргызстандык делегация катышат. Бул тууралуу өкмөттүн басма сөз кызматы билдирди.

Сапар Исаков экономикалык форумга келген бир катар мамлекет жана өкмөт башчылары менен сүйлөшүүлөрдү жүргүзөт.

Бүт дүйнөлүк  экономикалык форумга 350 мамлекеттик өкүл, анын ичинде 60тан ашык мамлекет башчылары катышат. Жалпысынан 100гө жакын мамлекеттен 3 миңден ашык киши болмокчу.