Москвадан 5-кабаттан кулаган кызга жардам берилди  

Москвада 5-кабаттан кулап кеткен кыргызстандык Жаркынай Юсупованын дарылануусуна Кыргызстандын мамлекеттик миграция кызматынын РФдагы өкүлчүлүгү, кыргыз диаспорасы жана биздин жарандар тарабынан 160 миң рубль өлчөмүндөгү жардам берилди.

Учурда Ж. Юсупова Москвадагы №15 ооруканада операцияга даярдалууда.

Ал Майлуу-Cуу шаарынан болот, 5-класста окуган кызы бар. Москвада он жылдан бери иштейт.

Бул тууралуу КР Миграция кызматынын басма сөз катчысынын милдетин аткаруучу Кубан Бектемиров билдирди.