Зыңкыйган, жүдөгөн Сүймөнкул Чокморов

Кырк жыл мурда ушул маалда көрүүчүлөрдүн назарына «Улан» тасмасы сунушталган. 

Көпчүлүктүн эсинде калган фильмди жаратуудагы ирмемдерди Sputnik Кыргызстан

агенттиги тартуулайт. 

Тасманы режиссер Төлөмүш Океев тарткан. Анда

ичкиликке берилип үй-бүлөсү, жумушунан айрылып, соңунда түрмөгө  камалган  адамдын  тагдыры  көрсөтүлөт. Фильмдин көпчүлүк бөлүгү Ысык-Көл жээгинде тартылган. 

Көркөм тасмада башкы ролду Сүймөнкул Чокморов

менен Наталья Аринбасарова аткарып, Советбек

Жумадылов, Асанкул Куттубаев, Геннадий Базаров, Жамал Сейдакматова,

Асанбек Умуралиевдер да катышкан. 

Көпчүлүк кино  сүйүүчүлөрдүн  купулуна  толгон  эмгек  бир  катар  эл  аралык  сыйлыктарды  багындырган.  1978-жылы  Еревандагы   Бүткүл  союздук  XI кинофестивалда  Төлөмүш Океев  мыкты  режиссёрдук  иши жана  Сүймөнкүл  Чокморов  эркектин  ролун  өтөсүнө  чыгара  аткаргандыгы  үчүн  сыйлыкка ээ болушкан. Андан сырткары, Ташкенттеги V Азия, Африка,  Латын Америка өлкөлөрүнүн  эл аралык  кинофестивалында  ошол  эле номинацияларды жеңген.