15-январда Орусияда мобилизациянын жаңы толкуну жарыяланышы мүмкүн

  • 1 год мурун

Орусия 15-январда кошумча мобилизация жарыялашы мүмкүн. Мындай божомолун Украинанын Коргоо министрлигинин Башкы чалгын башкармалыгынын өкүлү Андрей Черняк билдирди.

Анын айтымында, «террорист-өлкөнүн куралдуу күчтөрүнө жарым миллионго чейин орусиялык жаран мобилизацияланат. Жарлыктын долбоору бар, бул жолу мобилизация мурдагыдай эле ири орус шаарларында, анын ичинде Москва жана Санкт-Петербургда ишке ашат».

Черняктын маалыматына караганда, мобилизация социалдык чөйрө менен катар, орус экономикасына киреше алып келген тармактарда иштегендерге да тиешелүү болот.

Украинанын Куралдуу күчтөрүнүн Башкы штабы 5-январда Орусия мобилизациянын кезектеги толкунуна даярданып жатканын кабарлаган.

Москва мобилизациянын кезектеги айлампасын өткөрүү ниетин жарыялай элек.

2022-жылдын 24-февралында Украинага басып кирген Орусиянын президенти Владимир Путин 21-сентябрда жарым-жартылай мобилизация жарыялаган. Өлкөнүн коргоо министри Сергей Шойгу 2022-жылы 28-октябрда Путин менен жолуккан учурда, мобилизациялык чаралар аяктаганын айткан. Анын сөзүнө караганда, мунун алкагында 300 миң адам аскерге тартылган.

Муну бөлүшүү

Журналисттик иликтөөлөр

Помочь проекту

договором оферты