Аймактагы ишкерлерге берилген кредит көбөйдү
- 6 лет мурун
Өлкөнүн финансы институттары — Россия-Кыргыз өнүктүрүү Фонду, Кепилдик фонду , Айыл банк жана РСК банк аймактык ишкерлерге берилген кредиттердин көлөмүн жана суммасын көбөйттү.
Бул тууралуу жогоруда аты аталган финансылык институттардын жетекчилери бүгүн, 6-мартта Президент Сооронбай Жээнбековдун кабыл алуусунда болгондо маалымдашты.
Россия-Кыргыз өнүктүрүү фондунун төрагасы Эркин Асрандиевдин маалыматына ылайык, 2018-жылдын аягына карата ал фонд тарабынан жалпы суммасы 304 млн АКШ долларды түзгөн 1 653 долбоор жактырылган.
2018-жылдын ичинде кредиттердин суммасы 42,1 млн АКШ долларын түзүп, саны 2 эсеге өсүп, 1653 долбоорду түзгөн (+831 кредит).
Жыл ичинде курулуш материал ишканасы, цемент заводу, кийим жана бут кийим тигүүчү фабрикалар, макарон комбинаты — бардыгы болуп 7 ири ишкана ачылды.
Ошондой эле “Кепилдик фонд”, Айыл банк, РСК банк тарабынан айылдык ишкерлерге берилген кредиттин саны жана көлөмү өскөндүгүн анын жетекчилери билдирди.
