Баш прокуратура: ЖЭБдеги коррупция боюнча иш аягына чыкты

Баш прокуратура ЖЭБди модернизацялоодогу кылмыш ишин аяктап, сотко өткөргөнүн бүгүн, 12-февралда, билдирди.

Баш прокуратура Улуттук Коопсуздук Комитетинин Башкы тергөө башкармалыгы иликтеген “Бишкектеги ЖЭБди модернизациялоо” долбоорундагы коррупция фактысы боюнча материалдар менен таанышып чыкканын билдирди.

Материалдар менен таанышуу учурунда Сапар Исаков, Жантөрө Сатыбалдиев, Осмонбек Артыкбаев, Айбек Калиев, Салайдин Авазов, Ж. Назаров, Т. Бримкулов, О. Лаврова кызмат абалынан кыянат пайдаланганы жана коррупция боюнча клюлган айып ырасталды, алар келтирилген далилдер менен тастыкталган.

Ага байланыштуу, 11-февралда Баш прокуратура аталган аткаминерлердин кылмыш ишин Бишкек шаарынын Свердлов райондук сотуна өткөргөнүн Баш  прокуратуранын басма сөз кызматы билдирди.

Сүрөт: Интернет булактарынан.