Казакстанда ата-эне жана эки баласы иске ууланып көз жумду

Павлодар облусунун Баянаул районунун  Узун-Булак айылында эки квартиралуу жеке үйдөн 6-февралда  төрт адамдын сөөгү табылган.

Болжолдуу маалымат боюнча алар мешке от жаккандыктан иске ууланган.  Иске ууланып көз жумгандар бир үй-бүлө: жубайлар жана алардын кызы жана уулу.

Бул тууралуу Павлодар облусунун Өзгөчө кырдаалдар кызматы билдирди.

Райондун бийлик өкүлдөрү  үй-бүлөнүн дагы эки кызы райондун борборунда окушарын, аларга  жардам бере турганын билдирди.

Сүрөт: Интернет булактарынан.