ИИМ кадрларын алмаштырды

Ички иштер министри Кашкар Жунушалиев жаңы дайыналган кадрларды кызматкерлерге тааныштырды.

Ички иштер министринин Башкы штабынын башчысы болуп Сталбек Күренкеев дайындалды. Ал мурда ИИМдин Күбөлөрдү коргоо башкы башкармалыгынын башчысы болуп иштеген.

ИИМдин Күбөлөрдү коргоо башкы башкармалыгынын башчысы болуп  Сталбек Рахманов дайындалды. Мурда ал Бишкек шаардык ИИБ башчысы болуп иштеген.

Бишкек шаарынын ИИБ башчысы болуп Канат Жумагазиев дайындалды. Мурда ал ИИМдин Жол коопсуздугун сактоо башкы башкармалыгынын башчысы болуп иштеген.

Бул тууралуу ИИМ басма сөз кызматы билдирди.

Сүрөт: ИИМ басма сөз кызматыныкы.