Туристтер Кыргызстандын тамак-аш кайырмагына илинеби?

Өкмөттүк жыйында, 25-январда, Өкмөт башчы Мухаммедкалый Абылгазиев туристтерди тартуунун бир катар артыкчылыктуу багыттарына токтолуп, анын ичинде азык-түлүк, тамак-ашыбыз менен тартуу керектигин белгиледи.

«Атамекендик тамак-аш азыктары өлкөгө чет элдик туристтерди кеңири тартууда өз алдынча бренд катары таанылышы керек” деди Мухаммедкалый Абылгазиев.

“Бул үчүн бизде бардык ресурстар жана мүмкүндүктөр бар, аларды натыйжалуу пайдалануубуз гана керек» деп кошумчалады ал.

«Биздин аймактык экспорттук рынокторго чыгуу боюнча умтулуубуз жогорку сапаттагы стандартка жооп берген, жетиштүү көлөмдөгү атаандаштыкка ээ болгон азыктардын түрү сыяктуу негиздүү базага таянышы керек” деди Өкмөт башчы.