Абылгазиев: “Калктын 70 пайызы айыл чарбада алектенет, туризмде он эсе аз”

Сулайман-Тоо.

Өкмөттүн бүгүн, 25-январда, өткөн жыйынында туризм маселеси да талкууланды. 

Мухаммедкалый Абылгазиев  бир катар туристтик объекттерди мамлекеттик-жеке өнөктөштүк аркылуу өнүктүрүү зарыл деп билдирди.

«Биз жеке менчик түрүнө карабастан, туризм объекттерине өзгөчө көңүл бурууга тийишпиз. «Таш-Рабат», «Сулайман-Тоо», «Санташ», «Жыргалаң», «Ысык-Ата» сыяктуу маданий объектилерди жана башка мамлекеттик ден соолукту чыңдоочу комплекстерди мамлекеттик-жеке өнөктөштүк алкагында өнүктүрүү зарыл деп эсептейм» — деп белгиледи ал.

Айыл чарбасы ички дүн продукциясында 13-14%, туризм – 5% ды түзөт. Калктын 70% ы айыл чарбасы менен алектенсе, туризм тармагында 10 эсе аз экенин, бул жагына көңул буруу керектигин айтты.