Мээрбек Мискенбаевди неге суракка алып жатышат?

Экс-депутат Мээрбек Мискенбаевди Экономикалык кылмыштарга каршы күрөшүү боюнча кызмат суракка алып жаткандыгын басма сөз кызматы билдирди.  

Мээрбек Мискенбаев менен кошо Амантур Жамгырчиев “Айкөл Ала — Тоо” коомдук фондуна социалдык колдоо боюнча каражаттар же тактап айтканда, муктаждарга деп берилчү 2 млн сомдук көмүрдүн дарек-дайыны боюнча кылмыш ишинде күбө катары сурак берип жатат.

Күбөдөн Мискенбаев айыпталуучу болуп калышы ажеп эместиги тууралуу сөз жүрүүдө. Себеби Марийпа Алыйкулова аттуу жаран «Айкөл Ала тоо» коомдук фонду  2 млн сомдук көмүр боюнча 2016-жылы эле кайрылган. Бирок кандайдыр себептер менен анын арызы боюнча иш токтоп калган.