Футболчулар Бишкекке кайтышат
- 6 лет мурун
- Мультимедиа
Футбол федерациясы футбол боюнча улуттук курама команданы күйөрмандар Бириккен Араб Эмираттарынан жөнөткөндүгү, меймандостугу, чоң колдоосу жана БАЭдеги унутулгус күндөр үчүн аларга ыраазылыгын билдирди.
Бүгүн, 24-январда, эртең мененки саат 05:00 дө Дубай-Бишкек рейси менен футбол боюнча Кыргызстандын Улуттук курама командасы Азия кубогунан кайтып келет.
Футбол федерациясы футболчуларды тосуп алууну каалагандар саат 04:00 дө Бишкектеги Өмүрзаков атындагы стадионго чакырган жана тосуп алуучуларды транспорт менен камсыздарын кабарлаган. Эми каттоодон өткөң тосуп алуучулар менен автобустардагы орун толуп калгандыгын билдирди.
Калган күйөрмандарды бүгүн, 24-январда, саат 15:00 дө Бишкекте Ала-Тоо аянтына расмий тосуп алуу салтанатына чакырды.
Айта кетсек, Кыргызстандын футболдук курама командасы Бириккен Араб Эмираттарынан 3:2 эсебинде утулуп калып, Азия кубогун жыйынтыктаганы менен, татыктуу оюн көрсөтүп, миллиондогон күйөрмандар, көрөрмандардын ыраазылыгына ээ болду.
Сүрөт: КР ФФ.
