Владимир Путиндин Кыргызстанга келиши күтүлүүдө
- 6 лет мурун
- Мультимедиа
Кыргызстанга март айынын аягында Россиянын Президенти Владимир Путиндин келиши күтүлүүдө.
Кыргызстандын жана Россиянын Президенттеринин жолугушуусунда соода-экономикалык кызматташтык, аймактагы коопсуздукту камсыз кылуу, Кыргызстанда инфраструктуралык курулуш чөйрөсүндөгү долбоорлорду илгерилетүү маселелери талкууланат.
Ошондой эле Россияда эмгектенип жаткан мекендештер жөнүндө маселелер көтөрүлөт.
2019-жылдын 3-4-февралында Россиянын Тышкы иштер министри Сергей Лавровдун Кыргызстанга сапары күтүлүүдө. Анда Путиндин Кыргызстанга алдыдагы мамлекеттик сапарын талкуулоо башкы маселе болот.
Мамлекеттик сапар алкагында бир катар иш-чаралар болжолдонгон. Кыргыз-россиялык Өкмөттөр аралык комиссиянын 21-отуруму өтөт, Кыргызстандын жана Россиянын бизнес коомчулугунун 500 өкүлү катышкан 8-кыргыз-россиялык региондор аралык конференциясы өткөрүлөт.
Президенттин тышкы саясат бөлүмүнүн башчысы Данияр Сыдыков кабарланганын Президенттин басма сөз кызматы билдирди.
Сүрөт: Интернет булактарынан.
