Тоолуу райондордо кар көчкү жана кар күрткүсү күтүлөт
- 6 лет мурун
- Мультимедиа
21-январынан 23-январга чейин жаап өткөн жана күтүлүп жаткан жаан чачынга байланыштуу тоолуу аймактарда көчкү жана кар күрткүсү күтүлөт.
Бул боюнча Өзгөчө кырдаалдар министрлиги шашылыш билдирүү таратты. 
Кыргызстандын тоолуу райондорунда, Бишкек-Ош унаа жолунун Ала-Бел ашуусу, Чычкан капчыгайында, Ала-Бука-Каныш-Кыя унаа жолунун Чапчыма ашуусунда, Красная-Горка-Ак-Таш унаа жолунун 1-4- чакырымдарында Казарман-Актал-Чат унаа жолунун 43-44 чакырымдарында (Ийри-Суу тилкеси), 67-90 чакырымдарында (Кара-Гөө ашуусу), Мырзаке-Кара-Кулжа-Алайкуу унаа жолунун 65-90, 95-130- чакырымдарында жана Каракол-Эңилчек унаа жолунун Чоң-Ашуу ашуусунда кар көчкү түшүүсү жана кар күрткүсү күтүлөт, жолдор тайгак болуп муз тоңот.
Бул маалыматты ӨКМ басма сөз кызматы жарыя кылды.
Сүрөт: Интернет булактарынан.
