Украинанын чыгышында элдешүү жараяны жарыяланды
- 7 лет мурун
- Блог
Украинанын чыгышында 1-июндан тарта кезектеги элдешүү жараяны күчүнө кирди. Ал бир суткага созулат. Күн мурун украин аскерлери курал-жарактын бардык түрүнө тыюу салынганы туурасында буйрук алышкан.
Украина тараптын билдирүүсүндө эгер Орусия колдогон жикчилдер тараптан коркунуч болсо, алар курал колдонууга даяр экени дагы айтылат.
Эл аралык балдарды коргоо күнүнө карата жарашуу демилгесин жаатташкан эки тарап тең колдогон. Бейшемби күнү эртең менен Донбасста элдешүү жараяны дээрлик сакталган. Аскер кызматкерлеринин маалыматына караганда, түнүчүндө гана жикчилдер украин позицияларын көздөй эки сапар ок чыгарышкан. Өзүн Донецк элдик республикасы деп жарыялап алган аймактын өкүлдөрү дагы украин тараптан эки сапар ок атуу болгонун кабарлашты.
2014-жылдын февралынан бери Донбасста 10 миңдей кишинин өмүрү кыйылып, 23 миңдейи ар түрдүү жаракат алды.
