Өткөн жылы канча сом коротулган?

Борбордук казыналыктын маалыматы боюнча 2018-жылы республикалык бюджеттин ведомстволук классификация боюнча кассалык аткарылышы 129,9 млрд сом өлчөмүндө жүргүзүлдү.

Анын ичинен:

1. Бюджеттик мекеме-уюмдарда иштегендердин айлык акысына 30 млрд сомдон ашык каражат:
2. Калкка социалдык жардам боюнча жөлөк пулдарды төлөөгө 8,3 млрд сом:
3. Социалдык камсыздоо боюнча жөлөк пулдарды төлөөгө 59,2 млн сом бөлүндү.
4. Имараттар жана курулуштар боюнча чыгымдар 10 млрд 376,7 млн сомду түздү.
5. Мамлекеттик (тышкы жана ички) карызды тейлөөгө республикалык бюджеттен 23 млрд 741,2 млн сом сарпталды.

Калган каражаттар чыгашалардын башка корголгон жана корголбогон беренелери боюнча сарпталды.

Бул тууралуу Финансы министрлигинин басма сөз кызматы кабарлады.