Премьер-министр колдоду. “Тумар” бий тобу “America’s Got Talent” сынагына катышат

Мухаммедкалый Абылгазиев Эрмек Кадыров башында турган «Тумар» бий тобун бүгүн, 26-декабрда, кабыл алды.

Жолугушууга «Тумар» бий тобунун түзүлүшүн өбөлгөлөгөн бийчи Атай Өмүрзаков да катышты.

Ден соолугунун мүмкүнчүлүгү чектелген белгилүү бийчилер Өкмөт башчыга  чыгармачыл ойлору жана эл аралык сынактарга катышкандары тууралуу айтып беришти.

Өкмөт башчы бийчилердин жаштар арасында заманбап бийлерди жайылтуудагы салымын белгиледи жана «America’s Got Talent» телесынагына катышуу үчүн финансылык колдоо көрсөттү.

Бул тууралуу Өкмөттун маалыматтык колдоо бөлүмү кабарлады.

Сүрөт: Өкмөттун маалыматтык колдоо бөлүмү