Өзбекстан өкмөт башчысы Абдулла Арипов Кыргызстанга келет
- 6 лет мурун
- Маек
Өзбекстан премьери Абдулла Арипов
Кыргызстан жана Өзбекстандын чектеш облустарынын башчыларынын Кеңешинин жыйыны эртең, 18-декабрда Ош шаарында өтөт.
Кыргызстандын Премьер-министри Мухаммедкалый Абылгазиев 18-декабрда Ош облусунда өтө турган Кыргызстан жана Өзбекстандын чектеш облустарынын башчыларынын Кеңешинин экинчи жыйынына катышат.
Өзбек делегациясын өлкө Премьер-министри Абдулла Арипов жетектейт.
Кыргыз делегациясынын курамына министрликтердин жана ведомстволордун жетекчилери, Баткен, Жалал-Абад жана Ош облустарынын ыйгарым укуктуу өкүлдөрү, чектеш аймактардын аймактык башкаруу органдарынын жетекчилери кирет.
Кеңештин экинчи жыйынында эки мамлекеттин ортосундагы соода-экономикалык жана маданий-гуманитардык кызматташууну талкуулоо пландалууда.
Бул тууралуу КР Өкмөтүнүн маалыматтык камсыздоо бөлүмү билдирди.
Сүрөт: Интернеттен алынды.
