Жети-Өгүз районунда тогуз жашар кызды зордуктоого шектүүлөр кармалды
- 2 дня мурун
Жети-Өгүз районунун Барскоон айылында эки улан тогуз жашар кызды зордуктоого шектелип кармалды.
Бул тууралуу Ысык-Көл облустук ички иштер башкармалыгынын басма сөз кызматы билдирди.
9-сентябрда Жети-Өгүз районунун ички иштер бөлүмүнө Барскоон айылынын тургуну анын тогуз жашар кызын уруп, зордуктап кеткенин билдирип, арыз менен кайрылган.
Бул иш кылмыштардын бирдүү реестрине катталып, кылмыш-жаза кодексинин 154-беренеси, зордуктоо боюнча кылмыш иши козголгон.
Милиция кызматкерлери шектүүлөрдүн тек-жайын аныктаган, алар 25 жаштагы О.А. жана 19 жаштагы Э.Э. болуп чыккан. Шектүүлөр Жети-Өгүз райондук соту тарабынан эки айга камалган.
Тергөө иштери жүрүп жаткандыгы айтылды.
Иллюстрациялык баш сүрөт: Интернет булактарынан
Сүрөттөр: ИИМдин басма сөз кызматы
