Жамалбек Асылбек уулу кураш боюнча Дүйнө чемпионатында коло медалга ээ болду
- 9 месяцев мурун
Жамалбек Асылбек уулу кураш боюнча Дүйнө чемпионатында коло медалга ээ болду. Бул тууралуу Дене тарбия жана спорт департаментинен билдиришти.
Кураш боюнча курама команданын мүчөсү Жамалбек Асылбек уулу Ашхабад шаарында (Түркмөнстан) өтүп жаткан ХХIV Дүйнө чемпионатында коло медалды утту. Спортчу 90 килограммга чейинки салмакта катышкан. Алгач 1/8 финалдык беттеште мексикалык балбанды утса, ¼ финалдык беттеште тажикстандык балбанды жеңген. Жарым финалдык беттеште өзбекстандык балбанына утулган.
Эскерте кетсек, кураш боюнча ХХIV Дүйнө чемпионаты 23-ноябрь күнү башталган, бүгүн 28-ноябрь күнү жыйынтыкталат.
Муну бөлүшүү