Ысык-Көлдө турак үйдүн морунан чыккан өрт өчүрүлдү
- 8 месяцев мурун
Ысык-Көлдө турак үйдүн морунан чыккан өрт өчүрүлдү. Бул тууралуу Өзгөчө кырдаалдар министрлигинин басма сөз кызматынан билдиришти.
Бүгүн, 30-декабрь күнү Ак-Суу районунун Жыргалаң айылында турак үйдүн морунан өрт чыккандыгы тууралуу маалымат КР ӨКМдин Тоо кырсыгынан куткаруу кызматынын 7-өзүнчө мобилдик тоо кырсыгынан куткаруу взводуна түшкөн.
Ошол замат аталган взводдон 5 куткаруучу тартылып, саат 11:50дө чектөөгө алынган жалын 12:11де толук өчүрүлдү.
Андан соң куткаруучулар күйгөн тактайларды чыгарып беришкен. Бактыга жараша тил тилсиз жоодон жабыр тарткандар болгон жок.
Муну бөлүшүү