Вьетнамда тайфундан каза болгондордун саны 200гө чукулдады

Вьетнамда «Яги» тайфунунан кеминде 197 киши каза болуп, 800дөй киши жаракат алып, жүздөн ашууну дайынсыз болууда. Бул тууралуу Associated Press вьетнамдык маалымат каражаттарына таянуу менен жазат.

Каза болгондор негизинен — сел жана жер көчкүнүн курмандыктары. Суу жана баткак агындары көпүрөлөрдү бузуп, кишилерди, автоунааларды агызып, айрым учурда бүтүндөй айылды каптады. 50 миңдей адам эвакуацияланды, өлкөнүн жарымында мектептер жабылды. Жабыркаган аймактарда ичүүчү суу жана тамак-аш тартыш. Келтирилген зыян буга чейин ондогон миллион долларга бааланган.

This Vietnam typhoon scene is unbelievable. 🤯 pic.twitter.com/u14xfase3E

— Joe (@josephradhik) September 9, 2024

Өлкөнүн борбору Ханой акыркы жыйырма жылдагы эң катуу суу ташкынын башынан кечирүүдө. Шаарда суу тизеге чейин жетип, тургундар кайыктар менен жүрүшөт.

Red River #floods #Hanoi streets as #Vietnam reels from impact of #TyphoonYagi
Thousands of residents of Vietnam's capital living close to swollen Red River were evacuated as its waters flooded streets days after Typhoon Yagi battered Northern Vietnam, killing at least 143 people pic.twitter.com/VAf15iaarH

— Hans Solo (@thandojo) September 11, 2024

«Яги» Вьетнамды акыркы 30 жылда каптаган эң күчтүү тайфун болуп калды . 7-сентябрда анын ылдамдыгы жээкте саатына 149 чакырымды түзгөн. Кийинчерээк шамал басаңдап, бирок өлкөнүн айрым аймактарында нөшөр дагы деле уланган. «Яги» Филиппинди, Кытайдын түштүк жээгин, Лаосту жана Мьянманы басып өтүп, ал жерде да курмандыктарга жана кыйроолорго себеп болгон.

During the super typhoon #Yagi in #Vietnam, many car drivers drove very slowly to shield motorbikes and people from the strong wind (because the strong wind trapped them on the road or on the bridge, they could be blown away if they tried to move). Wanted to hug everyone tightly. pic.twitter.com/rW8ZfYCank

— Phan Kim Thanh ⁷ ( ´･ω･) ~ Ꮚ ( •᷄ɞ•᷅ ) (@Alzheimer_13) September 8, 2024

Сүрөт: AFP