УКМК массалык баш аламандык уюштурууга жана бийликти алууга чакырык жасоого шектүү шаар кеңеш депутатын кармады
- 2 месяца мурун
Улуттук коопсуздук мамлекеттик комитети (УКМК) кылмыш-жаза кодексинин 278-беренесинин 1-бөлүгү («Массалык баш аламандык») менен козголгон кылмыш ишинин алкагында Кербен шаардык кеңешинин «Ата-Журт Кыргызстан» фракциясынын депутаты Н.Ж.К.ны кармады.
Бул тууралуу УКМК басма сөз кызматы билдирди.
Маалыматта айтылгандай, кармалган жаран Facebook социалдык тармагынын активдүү колдонуучусу катары мезгил-мезгили менен тенденциялуу жана чагымчыл материалдарды, анын ичинде массалык баш аламандыктарды уюштурууга жана андан соң бийликти күч менен кулатууга/ басып алууга чакырыктарды жарыялаган.
Шаардык кеңештин депутаты УКМКнын убактылуу кармоочу жайына киргизилди. Учурда тергөө иштери жүрүп жатат.
Сүрөт: УКМК басма сөз кызматы
Муну бөлүшүү