Түркмөн бийлиги тойлордо Бердымухамедовдун ырларын коюуга милдеттендирүүдө
- 9 месяцев мурун
Түркмөнстандын батышында бийлик жергиликтүү тургундарды үйлөнүү үлпөтүндө мурдагы президент Гурбангулы Бердымухамедовдун ырларын коюуга жана плейлисттерден чет элдик музыканы алып таштоого мажбурлоодо.
«Азаттыктын» түркмөн кызматы кабарлагандай, расмий буйрук жок, буйруктар ЗАГС аркылуу оозеки берилүүдө.
«ЗАГСта болочок жубайларга үйлөнүү үлпөтү түркмөн музыкасы менен коштолуп, үйлөнүү үлпөтү түркмөн стилинде өтүшү керектиги эскертилет» деди Балкан облусундагы өз булак.
Ресторандардын жана банкеттик залдардын ээлерине жана кызматкерлерине да акыркы жумаларда жаңы эрежелер тууралуу маалымат берилүүдө.
«Тойлор өтүүчү ресторандардын ээлери ырлардын кеминде 80% түркмөн тилинде болушуна көз салышы керек» деди ресторандардын биринин кызматкери.
Жакында өткөн үйлөнүү үлпөтү тууралуу айтып жатып, ресторандын кызматкери түркмөн ырларынын репертуарына «Куш депти» түркмөн элдик бийи жана Бердымухамедовдун эки ыры киргизилгенин кошумчалады.
«Бердымухамедовдун жети мүнөттүк ырларын ди-джей эки жолу коюшу керек болду» деп кошумчалады ал.
Бердымухамедов 2022-жылы президенттик ыйгарым укуктарын уулу Сердарга өткөрүп берген. Ал Борбор Азиядагы эң жабык делген өлкөнү 15 жыл башкарган.
Элдик кеңештин төрагасы кызматын аркалап жаткан Бердымухамедов буга чейин кызыктай клиптерге тартылып, концерттерди өткөрүп, эстрадалык ырларды ырдап, музыкалык аспаптарда ойноп келгени маалым.
Сүрөт: Видеодон
