“Социал-демократтар” партиясынын штабына милиция кызматкерлери келди

“Социал-демократтар” партиясынын штабына милиция кызматкерлери келди. Аталган партиянын мүчөсү Кадырбек Атамбаев окуя болгон жерден Фейсбуктагы баракчасы аркылуу түз эфирге чыкты.

Партиянын төрагасы Темирлан Султанбеков штабдын кеңсесине киргизилбей жатканын айтып, Инстаграмдагы баракчасында түз эфирде чагылдырылып жатат. Анда Султанбеков президент Садыр Жапаровго кайрылды.

Эске салсак, 17-ноябрда жергиликтүү кеңештерде шайлоо белгиленген. «Социал-демократтар» партиясы шайлоого аттанып жатышат.