Сел суусу Кара-Сууда 600дөн ашык, Ошто 140тан ашык үйдү каптаган
- 2 месяца мурун
Баштапкы маалымат боюнча 14-июль күнү селдин кесепетинен Ош облусунун Кара-Суу району 642 үйдү, Ош шаарында 146 үйдү сел суусу каптаган.
Кара-Суу району боюнча үч айыл аймакта, тактап айтканда Мады, Датка, Баш-Булакта 4 мектеп, бала бакча, 2 оорукана, музей жана ФАПка, 642 турак үйгө суу кирген.
Ош шаары боюнча бала бакчага, 146 турак үйгө сел суусу кирген.
Өзгөчө кырдаалдар министрлиги тактоо иштерин улантууда.
14-июль күнү саат 14:00 чамасында жааган жаандын кесепетинен Төлөйкөн айылында жана Озгур айылынын Бөрүбай-Ата эс алуучу жайында сел жүрүп, Төлөйкөн айылындагы «Мөл-Булак» эс алуу борборунда 4 адамды сел суусу агызгандыгы тууралуу маалымат түшкөн.
Ош шаардык мэриясы 14-июлдагы селден улам өзгөчө кырдаал режими жарыяланганын билдирди.
Ош шаарында 14-июлда жааган жаанга байланыштуу Төлөйкөн айылында жана Озгур айылынын Борубай-Ата эс алуучу жайында жана борбордук базарда сел жүрдү.
Сүрөт: Интернет булактарынан