Президент Жапаров Бельгияга сапар тартты. Кимдер коштоп кетти?
- 3 месяца мурун
Президент Садыр Жапаров бүгүн, 24-июнда, Бельгияга иш сапары менен учуп кетти.
Сапардын алкагында, 24-26-июнда мамлекет башчы Бельгиянын Королу Филипп менен жолугушат. Ушул эле күнү президент Европа Кеңешинин Президенти Шарль Мишель менен расмий жолугушуусу өтөт.
Сүйлөшүүлөрдүн жүрүшүндө Кыргызстандын Европа биримдиги жана Бельгия менен соода-экономикалык кызматташуусунун учурдагы абалы жана келечеги талкууланат.
Кыргыз Республикасынын расмий делегациясынын курамы:
— тышкы иштер министри Жээнбек Кулубаев;
— Президенттин администрациясынын президенттин жана Министрлер кабинетинин чечимдерин даярдоо боюнча башкармалыгынын начальниги Азамат Кадыралиев;
— Президенттик администрациянын тышкы саясат бөлүм башчысы Муратбек Азымбакиев;
— Кыргызстандын Бельгия, Нидерланды жана Люксембургдагы элчиси ишин айкалыштыруу менен Кыргыз Республикасынын Европа Биримдигиндеги туруктуу өкүлү Айдит Эркин;
— транспорт жана коммуникациялар министри Тилек Текебаев;
— экономика жана коммерция министри Данияр Амангелдиев;
— финансы министринин орун басары Руслан Татиков.
Сүрөт: Интернет булактарынан