НАТО өлкөлөрү 2025-жылы Украинага 40 млрд евро бөлүүгө макулдашты

НАТО өлкөлөрү келерки жылы Украинага 40 миллиард евро өлчөмүндө аскерий жардам көрсөтүүгө макулдашты. Бул тууралуу Reuters эки дипломатка шилтеме берүү менен билдирди.

НАТО өлкөлөрү бул милдеттенмени келерки аптада Вашингтондо өтө турган саммитте ырасташары күтүлүүдө.

НАТОнун баш катчысы Йенс Столтенберг альянстын мүчөлөрүн Украинага аскердик колдоону Орусиянын толук масштабдуу кол салуусу башталгандан кийин белгиленген деңгээлде кармап турууга чакырган. Каржылоонун бул деңгээли жылына болжол менен 40 миллиард еврону түзөт.

Агенттиктин маектешинин айтымында, НАТО өлкөлөрү бул сунушту колдошкон жок, бирок кийинки саммиттерде союздаштардын төлөмдөрүн кайра карап чыгууга макул болушту.

Алар ошондой эле кайсы өлкө Украинага кандай жардам берип жатканын аныктоо үчүн келерки жылдын ичинде эки отчет даярдоону чечишти. Өнөктөштөр Киевге жардам көрсөтүүгө кеткен чыгымдарды НАТО өлкөлөрү арасында бөлүштүрүүдө ачыктыкты күчөтүүнү каалашууда.

Сүрөт: AFP