МинКаб төрагасы мамлекеттик карыздын негизги суммасын көбүрөөк төлөө алдында турганыбызды билдирди
- 2 часа мурун
Жогорку Кеңеште “Кыргыз Республикасынын 2023-жылга республикалык бюджетинин аткарылышы жөнүндө” жана “Кыргыз Республикасынын 2025-жылга республикалык бюджети жана 2026-2027-жылдарга пландаштыруу мезгили жөнүндө” мыйзамдын долбоору биринчи окууда кабыл алынды.
Жогорку Кеңештин жыйынында жасаган баяндамасында, Министрлер кабинетинин төрагасы Акылбек Жапаров белгилегендей, 2026-2027-жылдарга экономисттердин прогнозу боюнча, 2027-жылы ички дүң продукция 2 трлнго жетет. Ал эми консолидацияланган бюджет 2025-жылга – 700,5 млрд сомго пландаштырылса, 2027-жылы – 743,3 млрд сомго жетет.
МинКаб башчысы ошондой эле профицит 26 млрд сомду түзүп, бул каражаттар Кытай-Кыргызстан-Өзбекстан темир жолун куруу – 2025-жылга 2,4 млрд. сом, Камбар-Ата-1 ГЭСине 2025-жылга 1,6 млрд. сом коротулаарын кошумчалады. Мындан тышкары мамлекеттик карызды төлөөгө багытталарын белгилеп, буга чейин алынган карыздын негизги суммасын көбүрөөк төлөө алдында турганыбызды билдирди.
Сүрөт: kenesh.kg
