Кыргызстанда генерал-майор наамын алган алгачкы аял. Элнура Мамбетжунушева «Бажы кызматынын генерал-майору» болду
- 3 месяца мурун
Мамлекеттик бажы кызматынын төрагасынын орун басары Элнура Мамбетжунушевага «Бажы кызматынын генерал-майору» наамы ыйгарылды. Ошону менен ал бажы кызматында гана эмес, жалпы эле өлкөнүн укук коргоо органдарында «генерал-майор» жогорку атайын наамына ээ болгон биринчи аял болуп калды.
Сыйлык тапшыруу 7-июнда Финансы министрлигинин 100 жылдыгына арналган мааракеде өттү.
Бажы кызматынын басма сөз кызматы билдиргендей, Элнура Мамбетжунушевадан тышкары, бажы кызматынын төрагасынын биринчи орун басары Улан Кимсанов «Бажы кызматынын генерал-майору» наамы, бажы кызматынын төрагасы Самат Исабеков III даражадагы «Манас» ордени менен сыйланды.
Муну бөлүшүү