“Космопарк” соода борборунда атышуу болгону кабарланды
- 1 неделя мурун
Кечээ, 10-ноябрда, Бишкектеги “Космопарк” соода борборунда атышуу орун алды.
Бул тууралуу Октябрь райондук ички иштер башкармалыгынан билдиргенин Kaktus.media басылмасы жазды.
Маалыматта айтылгандай, кечээ, 10-ноябрда, болжол менен саат 3:00дө милицияга Юнусалиев көчөсүндө мушташып жатышкандыгы тууралуу билдирүү түшкөн. Милиция кызматкерлери ал окуяга шектүүлөрдү кармап, жагдайды териштирүүгө алып кетишкен.
Бул окуяда жабыркагандар бар экени айтылды, ар кыл жаракаттар менен ооруканага түшкөндөр болгон.
Орун алган окуя боюнча Бишкек шаарынын Октябрь районунун ички иштер башкармалыгында бейбаштык беренеси менен кылмыш иши козголгон.
Мушташкан эки тарап тең арыз менен милицияга кайрылганы маалым болду.
Муну бөлүшүү
