ӨКМ: Төө-Ашууда түшкөн кар көчкү тазаланды
- 1 неделя мурун
Бүгүн, 8-ноябрда Бишкек — Ош унаа жолунун Төө-Ашуу ашуусунда түшкөн кар көчкү толук тазаланып, жол жеңил унаалар үчүн эки тараптуу ачылды. Бул тууралуу Өзгөчө кырдаалдар министрлиги (ӨКМ) билдирди.
Маалыматта айтылгандай, бүгүн, 8-ноябрда саат 09:07 чамасында түшкөн кар көчкү саат 10:20да толук тазаланган. Жол учурда жеңил унаалар үчүн гана ачылганы белгилүү болду.
«Ал эми оор жүк ташуучу унааларга киргизилген убактылуу чектөө алына элек. Кар көчкүнүн көлөмү болжол менен 540 метр кубду түзөт. Жабыркагандар жок»,- деп айтылат маалыматта.
Сүрөт: интернет булактары
Муну бөлүшүү
