Этникалык кыргыздардын Кыргызстандын ЖОЖдорунда билим алуусу үчүн 75 квота бөлүндү
- 4 месяца мурун
Этникалык кыргыздардын Кыргызстандын ЖОЖдорунда билим алуусу үчүн 75 квота бөлүндү. Бул тууралуу Билим берүү жана илим министрлигинин басма сөз кызматынан билдиришти.
Сынакка этникалык кыргыздар — Казакстандын, Кытайдын, Өзбекстандын, Тажикстандын, Түркиянын жана Пакистандын жарандары катыша алышат.
Сынактык тандоого катышуу үчүн талапкерлер министрликтин https://student.edu.gov.kg/ онлайн системасына катталып, “Чет өлкөлөрдө жашаган этникалык кыргыздарды Кыргыз Республикасынын жогорку окуу жайларына 2024-2025-окуу жылында кабыл алуу” бөлүмүнө бардык керектүү документтерди жүктөшү керек. Ошондой эле 2024-жылдын 27-июну саат 23:59га чейин милдеттүү болгон талааларды толтуруу зарыл.
- Паспорттун же туулгандыгы тууралуу күбөлүктүн (паспорт жок болгон учурда) нотариалдык жактан күбөлөндүрүлгөн көчүрмөсү, орус же кыргыз тилине котормосу менен.
- Билими тууралуу документтин (аттестат же диплом) нотариалдык жактан күбөлөндүрүлгөн көчүрмөсү, орус же кыргыз тилине которулган тиркемелери менен.
- Үй-бүлөнүн курамы жөнүндө маалымат.
- Талапкерлердин академиялык тармактагы жетишкендиктерин тастыктаган сертификаттар, дипломдор (бар болсо).
- Медициналык күбөлүк 086-у.
- ВИЧ/СПИД жок экендиги жөнүндө маалымкат.
Муну бөлүшүү