Эркин күрөш боюнча өспүрүмдөр чемпионатында кыргызстандыктар үч алтын жана коло медаль алды
- 3 недели мурун
Кыргызстандык 17 жашка чейинки спортчулар Курсантбек Исаков, Өмүрбек Асан уулу жана Рустамжан Кахаров эркин күрөш боюнча U-17 дүйнө чемпионатында алтын медаль жеңип алды.
Өмүрбек Асан уулу америкалык Жордин Пор Рэнини жеңгенден кийин, атаандашы жаракат алып, араң турганда, аны замбилге чейин көтөрүп жеткиргенин Бириккен күрөш уюму белгиледи.
Командалык эсепте Кыргызстан курама командасы үчүнчү орунду ээледи. Кыргызстандыктар үч алтын жана коло медаль жеңип алышты. Коло медалга Марлен Абдраимов татыктуу болду.
Мелдеш Иорданиянын Амман шаарында 19-августтан 25-августка чейин өттү. Ага 33 өлкөдөн 250 спортчу катышты.
Баш сүрөттө: Курсантбек Исаков.
Сүрөттөр: UWW
Муну бөлүшүү
