Биринчи май райондук ИИБ кызматкерлери кармалды
- 1 месяц мурун
18-сентябрда Улуттук коопсуздук боюнча мамлекеттик комитети (УКМК) тарабынан Э.Б. аттуу КР жаранын мыйзамсыз кармоо жана кыйноо фактысы боюнча козголгон кылмыш ишинин алкагында Бишкек шаардык Биринчи май райондук ички иштер башкармалыгынын 5-шаардык милиция бөлүмүнүн кызматкерлери Ж.у.К. жана А.Ы.А. кармалып, УКМКнын убактылуу кармоочу жайына киргизилди.
Бул тууралуу УКМК басма сөз кызматы билдирди.
Соттук-психиатриялык экспертизанын жыйынтыгында Э.Б.га карата кыйноо колдонулгандыгы бул аныкталган.
Учурда аталган кылмышка тиешеси бар башка кызматкерлерди аныктоо боюнча тиешелүү тергөө-ыкчам иш-чаралары жүргүзүлүүдө.
Иллюстрациялык сүрөт: Интернет булактарынан
Сүрөт: УКМК басма сөз кызматы
Муну бөлүшүү
