Ат-Башыда катуу шамал үйлөрдүн чатырын учурду
- 4 месяца мурун
- Видео
Нарын облусунун Ат-Башы районунда 10-майда катуу шамал болду. Шамал үйлөрдүн чатырын учуруп, төрт адам жабыркап, ооруканага жеткирилди.
Бул тууралуу өзгөчө кырдаалдар министрлиги (ӨКМ) кабарлады.
Алдын ала маалыматтар боюнча район аймагында түштүк-батыштан соккон шамалдын ылдамдыгы секундуна 24, Нарын жана Ак-Талаа райондорунун аймагында шамалдын ылдамдыгы секундуна 18 метрге чейин жеткен.
Кайрылуулар түшкөн аймактарда, райондук өзгөчө кырдаалдар бөлүмүнүн адистери жарандык коргонуу комиссиялары менен биргеликте тактоо иштерин жүргүзүшүүдө.
Табият кубулушунан Ат-Башы айылындагы райондук мамлекеттик администрациясынын имаратынын, 2 кабаттуу үйдүн, Кара-Суу айылындагы мектепти жылытуучу отканасынын, Дыйкан айылында 2 үйдүн, Калинин айылындагы мектептеги спорт залдын, Май-Булак тилкесинде 1 мечиттин жана 3 турак жайдын чатырларын учурган.
Шамалдан 4 киши жабыркап, райондук ооруканага жеткирилген.
Ал эми саат 21:10го карата 36 үйдүн, 6 социалдык мекеменин чатырлары кыйраган. Нарын шаарында 1 үйдүн чатырын шамал учурганы аныкталган.