Эң бай депутат ким?
- 6 лет мурун
- Баяндар
Мамлекеттик салык кызматы аткаминерлердин жана саясатчылардын декларациясын расмий сайтында жарыялап баштады. Анда эл өкүлдөрүнүн 2017-жылдагы киреше жана чыгашалары да көрсөтүлгөн.
Маалыматтка ылайык, 25 депутат 1 млм сомдон ашык киреше тапкан. Депутаттардын көпчүлүгү кирешесин көргөзгөнү менен чыгашаларын көргөзүшкөн эмес.
Эң бай 10 депутаттын сап башында экс-спикер Чыныбай Турсунбеков турат. Расмий түрдө эч кандай жеке иши жана баалуу кагаздары, акциялары жок. 2017-жылы ал 39,2 млн сом киреше тапкан. Мындан сырткары анын 3 квартирасы, 4 гаражы, “Мерседес” үлгүсүндөгү машинасы жана айыл чарба багытындагы жери бар.
Декларацияда көрсөткөн жакын туугандарынын дагы жеке бизнеси жок. Алардын атына 4 үй, 3 квартира жана айыл чарба багытындагы 2 жер жазылган.
Андан кийин орунда 15 млн сом киреше тапкан Тынчтынбек Шайназаров жана 14 млн сом тапкан Канатбек Исаев турушат.
Бай туугандар
Депутат Азамат Арапбаевдин жакын туугандары 2017-жылы 158,3 млн сом киреше тапкан, анын ичинен 10,5 млн чыгаша көрсөтүлгөн. Депутаттын өзүнө мүлк жазылган эмес, бирок жакын туугандарына 2 миң чарчы метр 6 квартира жазылган.
ЖК депутаты, финансы жан экономика министирлигинин экс-жетекчиси Акылбек Жапаровдун туугандарына оор жүк ташуучу 8 машина жана 5 контейнер жазылган. Алар 2017 жылы 55, 8 млн сом киреше табышкан. Акылбек Жапаров өзү 892 миң сомдон ашык киреше тапкан.
