Мектепке бара албаган балдар эми үйдөн окутулат

Өкмөт балдарды үйүндө жеке окутууну уюштуруу жөнүндө жобо бекитип, ага премьер-министр Мухаммедкалый Абылгазиев кол койду.

Аталган документ ден соолугунан мүмкүнчүлүгү чектелген, же катуу ооруга кабылган мектеп жашындагы балдардын билим алуу укуктарын коргоого багытталган. Балдарды үйүндө жеке окутууну уюштуруу ден соолугунан мүмкүнчүлүгү чектелүү, же катуу оору менен жабыркаган балдардын категориясына кирген 7ден 18 жашка чейинки 1-11-класстын окуучулары үчүн жалпы билим берүү уюмдары тарабынан ишке ашырылат.

Окуучулар мамлекеттик билим берүү стандарттарынын алкагында билим берүүнүн бардык баскычтарында акысыз окууга укуктуу.