Көчмөндөр оюндарына даярдык кандай?

Баяндар

Премьер-министр Мухаммедкалый Абылгазиев III Дүйнөлүк көчмөндөр оюндарына даярдык боюнча кеңешме өткөрдү.

Өкмөт башчы Дүйнөлүк көчмөндөр оюндары сыяктуу масштабдуу  иш- чараларды өткөрүү Ысык-Көл облусунун туристтик мүмкүнчүлүгүн кеңейтүүдө жана өлкөнүн дүйнөдөгү кадыр-баркын көтөрүүдө таасирдүү аянтча болуп калаарын белгиледи.

«Дүйнөлүк көчмөндөр оюндары биздин салт-санаабызды, спорттун улуттук турлөрүн жана өзгөчөлөнгөн маданиятыбызды дүйнө жүзүнө дагы бир жолу даңазалап алуунун кайталангыс мүмкүнчүлүгү» деди М. Абылгазиев.

Республикада бул сыяктуу масштабдуу иш-чараларды өткөрүүдө жетиштүү тажрыйба топтолгонун белгилеп кетти.

«Мамлекеттин саясий турмушундагы окуялар III Дүйнөлүк көчмөндөр оюндарын өткөрүүнүн сапатына таасирин тийгизбеши керек” деди премьер-министр.