«Кумтөр» иши боюнча Никитенко менен Сурабалдиева да суракка барды
- 3 года мурун
Жогорку Кеңештин депутаты Наталья Никитенко жана мурдагы депутат, экс-вице-премьер министр Эльвира Сурабалдиевалар «Кумтөр» иши боюнча Аскер прокуратурасында суракка барышты.
Алар 2017-жылы өзгөртүлүп, ошол кездеги Президент Алмазбек Атамбаев кол койгон Суу кодексине киргизилген өзгөртүүлөр боюнча суракка алынышкан.
Суу кодексине киргизилген андагы өзгөртүүлөр боюнча, кенге жакын жайгашкан Давыдов жана Лысый мөңгүлөрүнө тоо-кен иштери үчүн таасир этүүгө, тагыраак айтканда талкалоого юридикалык укук берилген.
Эске сала кетсек, «Кумтөр» иши боюнча 4 кылмыш иши козголуп, УКМК тарабынан 31 — майдан бери бир катар мурдагы чиновниктер, Жогорку Кеңештин депутаттары камакка алынышкан. Алар: Асылбек Жээнбеков, Төрөбай Зулпукаров, мурдагы депуттар Исхак Пирматов, Талантбек Узакбаев, Данияр Нарымбаев Алмазбек Батырбеков, экс-премьер министр Өмүрбек Бабановдор 2 айлык мөөнөткө УКМКнын тергөө абагына киргизилишкен.
