​Бир күндө үч жолу жер титиреди

Жаңылыктар

Сейсмология институтунун маалыматына ылайык, 31-мартта Кыргызстан менен Өзбекстандын чектешкен аймагында 31-мартта үч ирет жер титиреди.

  • 31-мартта саат 07:43тө Кыргызстан жана Өзбекстан чектешкен аймакта очогунда күчү 4 баллга жеткен жер титирөө катталган. Жер титирөө Талас облусунун Кара-Буура районунун Көк-Сай, Шекер жана Кара-Сай айылдарында — 3 баллга чейин сезилген.
  • 31-мартта саат 12:11де Ош облусунун аймагында очогунда күчү 3 баллга жеткен жер титирөө катталган. Жер титирөө Кара-Кулжа районунун Сары-Булак, Тогуз-Булак, Сары-Күңгөй айылдарында жана Алай районунун Кара-Жыгач, Кең-Жылга айылдарында — 2,5 баллга чейин сезилген.
  • 31-мартта 22:25те Кыргызстан жана Өзбекстан чектешкен аймакта очогунда күчү 3,5 баллга жеткен жер титирөө катталган. Жер титирөө Баткен облусунун Кадамжай районунун Өтүкчү жана Бөжөй айылдарында — 3 баллга чейин, Кызыл-Коргон, Совет айылдарында – 2,5 баллга чейин сезилген. Жер титирөөдөн жабыркагандар жана кыйроолор катталган жок.

Бул тууралуу өзгөчө кырдаалдар министрлигинин басма сөз кызматы билдирди.

Иллюстрациялык сүрөт.