БШК шайлоо жыйынтыктарын 24-январдан кечиктирбей аныктайт
- 3 года мурун
Президентти жана Жогорку Кеңеш депутаттарын шайлоо жөнүндө конституциялык мыйзамдын 34, 35-беренелерине ылайык, Шайлоо жана референдум өткөрүү боюнча борбордук комиссиясы аймактык шайлоо комиссияларынан добуш берүүнүн жыйынтыктары жөнүндө протоколдорду кабыл алууну аяктап калды.
Бул тууралуу БШК басма сөз кызматы билдирди.
17-январга карата 54 аймактык шайлоо комиссиясы протоколдорун тапшырды.
7 шайлоо участогундагы добуш берүүнүн жыйынтыктары аймактык шайлоо комиссиялары тарабынан жараксыз деп таанылды жана жокко чыгарылды
Борбордук шайлоо комиссиясы добуш берүү күнүнөн тартып 20 календардык күндөн кечиктирбестен (Президентти мөөнөтүнөн мурда шайлоодо – добуш берүү күнүнөн тартып 15 календардык күндөн б.а. 2021-жылдын 24-январынан (кошо алганда) кечиктирбестен) шайлоонун натыйжаларын аныктайт.
