Абдывахап Нурбаев: “Элдин талабы таза шайлоо гана болгон”
- 3 года мурун
Депутат Абдывахап Нурбаев кечээки нааразычылык акциясынын эң башкы себеби таза эмес шайлоо болгондугун айтат:
“Ошонун аркасынан президент, өкмөт кызматынан кетти. Биз, азыр түшүнүк менен эмес мыйзам боюнча жашаганга өтүшүбүз керек. Элдин талабы таза шайлоо гана болгон”.
Ошондой эле, депутат Алтынбек Сулаймановдун демилгеси элдин талабы болуп аткандыгын айтып, бул маселени карап берүүнү өтүндү.
Ал эми депутаттар Талант Мамытов, Махабат Мавлянова референдум өткөрүүнү колдоп жаткандыгын билдирди.
Бүгүн, 21-октябрда, Жогорку Кеңештин депутаттары шайлоо мыйзамдарына өзгөртүү киргизүү маселесин күн тартибине киргизүү боюнча маселени кароо талашка түштү.
Муну бөлүшүү
