№1 түзөтүү мекемесинин медициналык-санитардык бөлүм башчысы баңгизат менен кармалды

Баяндар

№1 Түзөтүү мекемесинин медициналык-санитардык бөлүм башчысы Т. З. баңгизат менен кармалды.

Бул тууралуу Жаза аткаруу кызматынын басма сөз кызматы кабарлады.

Анын айтымында, 7-августта болжол менен саат 09.50 чамасында №1 түзөтүү мекемесинин көзөмөл өткөрүү пунктунда мекеменин медициналык-санитардык бөлүмүнүн башчысы Т.З нын колундагы эки баштыктан өзгөчө жыты бар, жашыл түстөгү, салмагы болжол менен 2 кг.975г. баңги зат табылып, алынды.

Муну Жаза аткаруу кызматынын ички иликтөө кызматы №1 түзөтүү мекемесинин ыкчам кызматкерлери менен бирдикте жүргүзүлгөн атайын иш-чаранын негизинде аныктан чыкканы айтылды.

Аталган факты кылмыш-жаза бирдиктъъ реестринин малыматты эсепке алуу журналына катталды. ЖАМК тергөө кызматы тарабынан тергөө иштери жүргүзүлүп жатканы билдирилди.


Сүрөттөр: ЖАМК басма сөз кызматы.



БаяндарЖАМКмедициналык-санитардык бөлүмбашчыбаңгизаткармалды