Дөңгөлөк илип, чакалап суу чачып аялын жазалаган киши сот залынан бошотулду

Жаңылыктар

Аялынын мойнуна дөңгөлөк илип, чакалап суу чачып, жаакка чаап, жазалаган киши сот залынан бошотулду.

Бул тууралуу «Справедливость»-«Адилеттик» уюму ЖМКга билдирди.

Жалал – Абад облусунун Сузак районунда аялынын колун байлап салып, дөңгөлөк илип, үстүнө чакалап суу чачкан эки жыл пробациялык көзөмөлдө болуу жазасын алды. Аны сот залынан бошотушту.

12-июнда социалдык тармактарда тараган видеодо эркек киши мойнуна эки дөңгөлөк байланган, колу таңылган аялга башынан ылдый чакалап суу куюп, жаакка чаап жатканы көрсөтүлгөн. Окуя боюнча 47 жаштагы аял милицияга арыз менен кайрылган. Бирок аял кийинчерээк күйөөсүн кечиргенин билдирген.

Сүрөт: Социалдык тармактагы видеодон.


ЖаңылыктарКыргызстанЖалал-Абадзомбулукаялкүйөөсүсот